ट्वीटरलाई फेसबुकसँग कसरी जोड्ने ?

फेसबुक र ट्विटर दुई मुख्य तथा लोकप्रिय सामाजिक सञ्जाल हुन् । ट्वीटर र फेसबुक दुबैमा तपाईको अकाउन्ट छ भने एकापसमा जोड्न सकिन्छ । यसो गरेमा ट्विटरमा ट्विट गरेका कुरा तपाईको फेसबुक प्रोफाइलमा पनि सेयर हुन्छन् । यसबाट एउटा पोस्ट ट्वीटर र फेसबुक दुवैमा एकै पटक काम लाग्छन् । यसका लागि निम्न प्रक्रिया अपनाउनुपर्छ :

• आफ्नो ट्वीटर अकाउण्ट खोल्नुहोस् र प्रोफाइल सेटिङ पेजमा जानुहोस् ।
• त्यहाँ पोस्ट अन फेसबुक नामक अप्सन छान्नुहोस् ।
• फेसबुक अप्सनमा क्लिक गरेसँगै तपाईसामु फेसबुक लग इन अप्सन आउनेछ, जसमा तपाईले आफ्नो फेसबुक युजर आइडी तथा पासवर्ड हाल्नुहोस् ।
• यदि तपाईले फेसबुक लगइन गरिसक्नुभएको छ भने कनेक्ट अप्सनमा क्लिक गर्दा हुन्छ ।
• फेसबुकमा ट्विटरको अनुमतिलाई स्वीकृति दिनुहोस् । अर्थात् ब्िियध अप्सनमा क्लिक गर्नुहोस् ।
• अब तपाइँले आफ्नो ट्वीटर अकाउन्टमा गरेको जुनसुकै ट्वीट तपाईको फेसबुक वालमा सेयर हुनेछ ।

ट्वीटरमा केही नयाँ सुविधाहरू

अहिलेको पुस्ता सोसल नेटवर्क बाहिर छैन । युवा पुस्ताको आर्कषणसँगै यसको लोकप्रियता प्रतिदिन बढ्दो छ । समय र आवश्यकताअनुसार सोसल नेटवर्कको प्रयोगमा पनि परिवर्तन हुँदैछ । सोसल नेटवर्क फेसबुक, ट्वीटरमा समय बिताउने र आफ्ना विचार ‘सेयर’ गर्नेमा मात्र सीमित रहेन । सोसल मिडियामा फेसबुकले भन्दा बढी ट्वीटरले आफूलाई स्थापित गर्दैछ ।

छोटो मीठो ब्लगका रुपमा लिइएको ट्वीटर पनि समयसँगै परिवर्तन हँुदैछ । हालै ट्वीटरमा केही सुविधा थपिएको छ । अब ट्वीटलाई इमेल गर्न सकिनेछ । यो नयाँ फिचर ट्वीट नगर्ने इन्टरनेट प्रयोगकर्ताप्रति लक्षित गरिएको छ भन्दा फरक नपर्ला । आजकल ‘बे्रकिङ न्युज’हरु न्युज पोर्टलमा भन्दा बढी सोसल नेटवर्कमा भेटिन्छन् ।

कतिपय न्युज मिडियाले कभर गर्न नसकेका र नगरेका विषय तथा स्कूप पनि सोसल नेटवर्कमा पाइन्छन् । धेरै संख्यामा ट्वीट मोबाइल डिभाइसबाट नै हुने गर्दछ र मोबाइल डिभाइसका लागि ट्वीट गर्ने प्रशस्तै एप्लिकेसन पनि पाइन्छन् । ट्वीट इमेल गर्ने फिचर ट्वीटरको आधिकारिक वेबसाइट मात्र नभएर यी एप्लिकेसनमा पनि उपलब्ध हुनेछ । 

ट्वीटलाई इमेल गर्न :

ट्वीटर पेजमा रहेको ‘फेभरेट’को छेउमा रहेको ‘मोर’ आइकन क्लिक गर्ने र आइकनले इमेल गर्ने नयाँ विन्डो खोलिदिनेछ । ट्वीट इमेल गर्न सकिने भयो । तर, इमेल कसको नामबाट जाने छ त ? इमेल जानेछ, ट्वीटरका लागि प्रयोग गर्दै आउनुभएको इमेलबाट । मोबाइल डिभाइसबाट ट्वीट इमेल गर्दा, इमेल पठाउनेको एड्रेस डिभाइसको डिफल्ट इमेल एड्रेस हुनेछ ।

पछिल्लो विवरणअनुसार ट्वीटर प्रयोगकर्ताको सङ्ख्या पचास करोड छ । फेसबुकको तुलनामा झन्डै आधा भए पनि ट्वीटरले सोसल मिडियामा लिएको स्थान प्रशंसायोग्य छ ।

फेसबुक फन्डा

उज्जवल ः ‘जति राम्रो लेखे नि मेरो स्टाटस धेरैले लाइक नै गर्दैनन् यार । मुस्किलले दुई–तीन लाइक आउँछ ।’
सुप्रिया ः ‘आफूलाई त बालै छैन । म सुतँे है भनेर लेख्दा नि कम्तिमा दर्जन लाइक त आइहाल्छ ।’
अभिषेक ः ‘त्यही त अचम्म ! लाइक पाउन केटी नै हुनुपर्छ कि के हो ? हा ... हा ...’
विराटनगरस्थित कोबास साइन्स कलेजमा अध्ययनरत छात्रछात्रा खाजा तथा ब्रेकको समयमा यस्तै गफ गर्छन् । सामाजिक सञ्जाल फेसबुकलाई इन्टरनेटको पर्यायका रुपमा बुझ्ने युवापुस्ताको प्रतिनिधित्व गर्ने उज्वललाई जतिखेर पनि फेसबुकको नोटिफिकेसन हेर्नकै हतार हुन्छ ।
विशेषत ः युवायुवतीमाझ सर्वाधिक लोकप्रिय फेसबुकले सन् २००४ मा इन्टरनेटको दुनियाँमा छलाङ मारेको हो । हावर्ड युनिर्भसिटीका साथीहरुमाझ घनिष्टता बढाउन निर्माण गरिएको यो फेसबुकले आजको जस्तो अभूतपूर्व अनि अविश्वसनीय स्थान बनाउँछ भनेर स्वयम् यसका जन्मदाता मार्क जुकरबर्ग अनि उनका सहयोगीहरुले पनि सपनामा समेत सोचेका थिएनन् रे ! हुन पनि यो छोटो अवधिमा आठ सय मिलियन (सप्टेम्बर २०११ सम्म) ले फेसबुक प्रयोग गर्नु चानचुने कुरो हुँदै हैन । सामाजिक सञ्जालको क्षेत्रमा अप्रत्याशित क्रान्ति गर्दै यसले मार्क जुकरवर्गलाई अर्बपतिको सूचीमा मात्रै पारेको छैन, फेसबुक आफैँ एक शक्तिकेन्द्रका रुपमा उदाएको छ । अर्को सामाजिक सञ्जाल ट्वीटरसमेत यही सेराफेरामै कुदिरहेको छ ।
किन मानिस फेसबुकमा झुमेका होलान् त ? कोवासका अभिषेक भन्छन्, ‘फेसबुक भनेको फेसबुक नै हो ।’ उनी भन्छन्, ‘छिटो, छरितो अनि चलाउन पनि सजिलो हुनुका साथै भिडियो च्याट अनि गेमसमेत खेल्न मिल्ने फेसबुकमा समय बितेको पत्तै हुँदैन ।’
को मान्छे अब के गर्दैछ भनेर बुझ्न उसकै फेसबुक स्टाटस हेरे पुग्ने भएको छ । एक क्लिकमा व्यक्तिको जन्ममिति, लिङ्गदेखि राजनैतिक विचारधारा अनि वैवाहिक अवस्थासमेत नियाल्न सकिने यसको सुविधा वास्तवमै गजबको छ ।
कतिपयले फेसबुकको लतलाई लागूपदार्थ दुव्र्यसनसँग तुलना गरेका छन् । तर, जसले जे भने पनि दिनानुदिन हजारौँको सङ्ख्यामा यसका प्रयोगकर्ता बढेका–बढ्यै छन् । व्यक्तिको सामाजिक जीवन अनि क्रियाकलापमा सजिलै निगरानी राख्न यसले मद्दत गरेको छ । आफ्ना भावना र रचना पस्कने भाँडोका रुपमा यो परिचित त छ नै, अझ समान विचारकाहरुलाई नजिक्याएको छ । यतिसम्म कि फेसबुकले नै जोडी जुराइदिएका समेत उदाहरणहरु छन् । फेसबुकबाटै नजिकिएर विवाह गर्नेहरु पनि भेटिन्छन् । यसै मेसोमा आफ्ना हाकिम, अभिभावक र कलेज प्रमुखहरुलाई समेत फेसबुकबाटै प्रत्यक्ष र अप्रत्यक्ष रुपमा गालीसमेत गर्छन् ।
विगत तीन वर्षमा फेसबुकमार्फत् हुने आपराधिक घटनामा पाँच सय ४० प्रतिशतले वृद्धि भएको छ । व्यक्तिगत सूचनाको चुहावट त सामान्य भैसक्यो । अर्काको एकाउन्ट ह्याक गरेर जथाभावी गर्ने क्रम बढ्दो छ । मानिस आफ्नो सिर्जनशील समय फेसबुकमा व्यर्थ खर्च गर्न थालेकाले कार्यक्षमतामै ह्रास आएको कतिपयको मान्यता छ ।
चीन, इराक, पाकिस्तान, भियतनाममा त सरकारले नै कार्यस्थलमा फेसबुकलाई प्रतिबन्ध लगाएको छ (नेपालमा पनि छलफल नभएको होईन) । कतिपय इस्लामिक देशहरुले गैरइस्लामीक भन्दै यसलाई पूरै प्रतिवन्ध लगाएका छन् । तर, पनि मानिसको क्रेज न हो ुःष्ििबत ँबअभदययपु बनाएर भए नि उनीहरुले चलाइरहेकै छन् । मनोवैज्ञानिकहरु त फेसबुकले मानिसमा एकोहोरोपन बढाएको दावी गर्छन् । पछिल्लो सर्वेक्षणमा सम्बन्ध–विच्छेदको कारण फेसबुकसमेत भएको पाइयो । सबैलाई जानकारी नै छ, एक पत्नीले फेसबुकमा वैवाहिक सम्बन्ध अविवाहित उल्लेख गरेकै झोँकमा पतिले उनको हत्या गरेका थिए ।
आखिर कारण जेसुकै होस्, नेपालमा समेत फेसबुकको क्रेज बढ्दो छ, सँगसँगै फेसबुकमार्फत् हुने साइबर अपराध पनि । फेक एकाउन्ट बनाएर अरुलाई दुःख दिँदै समय बर्वाद गर्ने पनि उत्तिकै छन् ।
फेसबुक संस्थापन भने साइबर सुरक्षाका नाममा दैनिक बीसहजार प्रोफाइल हटाएको दावी गर्छ । जसो भए पनि इन्टरनेटको पहुँच विस्तारमा फेसबुकले अहम् भूमिका निर्वाह गरिरहेकै छ । अब यसलाई कसरी प्रयोग गर्ने भन्ने त व्यक्तिको मान्यतामा भर पर्छ, होइन र ?

अर्पण गेलाल

माइक्रोसफ्टको एन्टिभाइरस Microsoft Security Essentials 4.0

तपाईले आफ्नो कम्प्युटरमा कुन Anti Virus को प्रयोग गर्नुभएको छ ? यसका लागि पक्कै पनि तपाईंले बर्सेनि रकम खर्च गरिरहनुभएको होला । माइक्रोसफ्टले अब निःशुल्क Microsoft Security Essentials (MSE) नामक एन्टिभाइरस बजारमा ल्याएको छ । यो एन्टिभाइरस माइक्रोसफ्टको Windows XP. Windows Vista / Windows  परेटिङ्ग सिस्टममा राख्न सकिनेछ । यो एन्टिभाइरस माइक्रोसफ्टको अफिसियल वेभसाइटबाट निःशुल्क डाउनलोड गर्नसमेत सकिन्छ ।
एक तथ्याङ्कअनुसार एन्टिभाइरसको बजारमा सबैभन्दा लोकप्रिय एन्टिभाइरस AVAST का ११ प्रतिशत प्रयोगकर्ता रहेकोमा MSEको प्रयोगकर्ता १५ प्रतिशत पुगेको छ । विश्वका प्रमुख पाँच एन्टिभाइरस कम्पनीहरु Avast, Kaspersky, Avira, Eset, AVG को बिक्रीमा कमि आएको छ ।
यो एन्टिभाइरस पूर्ण रुपमा निःशुल्क उपलब्ध छ । यसलाई बीचमा Renew गर्नुपर्दैन । तर, यो राख्नका लागि Windows Genune  हुनु पर्नेछ ।
Windows Genune
बनाउने तरिका 
Windows Genune बनाउन अहिले WATT Remover Tool धेरैले प्रयोग गरेको पाइन्छ । यसले दुई मिनेटमा नै पाराइटेड Winows लाई Genune बनाइदिन्छ । यो XP / System का लागि उपलव्ध छ । यसलाई सजिलै इन्टरनेटबाट डाउनलोड गर्न सकिन्छ । अथवा यो लिंकमा गएर डाउनलोड गर्न सकिन्छ ः http://www.softpedia.com/get/System/System-Miscellaneous/WGA-Remover.shtml

कम्प्युटरबाट स्वास्थ्य समस्या

कम्प्यूटरलाई सर्वगुण सम्पन्न उपकरण भन्न सकिन्छ किनकि यसको माध्यमबाट हरेक काम गर्न सम्भव भइरहेको छ । कम्प्यूटरको जन्मआधार मानिने टाइपराइटर आजभोलि अतीत भएको छ । स्पीकर जोडेर सीडी लगाइयो भने कम्प्यूटर म्यूजिक सिस्टम भिडियो बन्छ, माइक्रोफोन लगाइयो भने फोन हुन्छ । अब अधिकांश मेशिनहरू कम्प्यूटरद्वारा नै सञ्चालित एवम् नियन्त्रित हुने दिन आएका छन् ।
इन्टरनेटको माध्यमबाट विश्वको ज्ञान आज हरेक व्यक्तिलाई उपलब्ध छ । यसद्वारा विश्वका कुनै कुनाबाट सम्पर्क गर्न सकिन्छ । कम्प्यूटरको उपयोगिता हरेक क्षेत्रमा छ ।
कम्प्यूटरले जीवनलाई सरल एवम् सुखद बनाएको छ । कम्प्यूटरले जीवनशैली, कार्यशैलीमा आश्चर्यजनकरूपले परिवर्तन ल्याएको छ । तर, अति उपयोगले क्षति गर्न सक्छ । यसबाट समस्याहरू उत्पन्न हुन्छन् ।
कम्प्यूटरलाई जरुरतभन्दा ज्यादा उपयोग गर्नाले शारीरिक, मानसिक, भावनात्मक, सामाजिक र पारिवारिक दुष्प्रभाव देखा पर्दछ । कम्प्यूटरको बढ्दो उपयोगका कारण कैयौं नयाँ रोगको उदय भै रोगीहरूको सङ्ख्या बढ्दै छ । कम्प्यूटरसम्बन्धी विभिन्न समस्याबाट युवावर्ग विशेषरूपले प्रभावित भैरहेछन् ।
कार्पल टनल सिन्ड्रोम
कम्प्यूटरको बोर्ड, माउसलाई गलत ढङ्गले प्रयोग गर्नाले हातको नाडीमा रहेको कार्पल टनलमा सुनिन सक्छ, जसको फलस्वरूप यसको भित्रबाट गुज्रिने मिडिसन स्नायुमा दबाब पर्दछ । फलस्वरूप नाडी, औंलामा दुखाइ तथा सुनिने समस्या उत्पन्न हुन्छ । पछि यी अङ्गहरूमा कमजोरी आउन सक्छ । यसबाट बचाउका लागि ध्चष्कत नगबचम लगाएर काम गर्नु राम्रो हुन्छ ।
रोगको सुरुवातमा तातोले सेक्नाले, नाडीमा क्रेक ब्याण्डेज बाँध्ने, दुखाइ र सुजन निवारक औषधीहरूको सेवन गर्नाले र नाडीमा कोर्टीसोनको इञ्जेक्सन लगाउनाले राहत मिल्छ । तर, कष्ट ज्यादा हुने हुनाले शल्यचिकित्साबाट कार्पल टनलमा दबाब कम गर्न जरुरी हुन्छ ।
रिपिटेटिव स्ट्रेन इन्जुरी
कम्प्यूटरमा कार्य गर्ने समय शरीरका विभिन्न अङ्गहरू तन्तु, जोर्नी र मांसपेशी इत्यादिमा झट्का लाग्दछ । गलत मुद्रामा कम्प्यूटरमा काम गर्ने, टाइपिङ गर्ने, कामको मध्य समय आराम नगर्नाले की–बोर्ड, माउसलाई ज्यादा कसेर, झड्कारेर प्रयोग गर्नाले यो समस्या बढ्ने सम्भावना रहन्छ । परिणामस्वरूप टाउको हलुका भारी अनुभव हुने, शरीरमा थकान, हातमा जलन, औँलामा दुखाइ, झनझनाहट, शून्यता, ठन्डा हुने, शक्तिमा कमी, सन्तुलनमा गडबडी हुने समस्याहरू आउनन सक्छ । पीठ, कम्मर, घाँटी र ढाडमा दुखाइ हुन्छ ।
यदि कम्प्यूटरको सही मुद्रा र ढङ्गले प्रयोग गर्ने हो भने कामको बीच समयमा केही आराम गर्नुपर्दछ । नियमितरूपमा व्यायाम गरियो भने समस्याबाट बचाव सम्भव छ ।
कम्प्यूटर भिजन सिन्ड्रोम
कम्प्यूटरमा लगातार काम गर्नाले आँखाको विभिन्न समस्या हुन सक्छ जसलाई कम्प्यूटर भिजन सिन्ड्रोम भनिन्छ । कम्प्युटरमा काम गर्ने समय मोनिटरमा एक टक हेर्नाले आँखाका मांसपेशीहरू संकुचित रहनुपर्ने हुन्छ जसबाट आँखामा थकाइ उत्पन्न हुन्छ । मोनिटरमा लगातार हेर्नाले ज्यादातर व्यक्ति परेला झिम्काउँदैनन् जसबाट आँखालाई ओसिलो बनाइराख्ने आँसुको सतह बन्दैन, आँखा सुखा हुन्छ जसबाट आँखा पोल्ने समस्या हुन्छ । यसका साथै आँखा रातो हुने टाउको दुख्ने, घाँटी दुख्ने, कम्मर दुख्ने, रङ पहिचान गर्ने क्षमतामा ह्रास हुन्छ ।
यदि कुनै व्यक्ति प्रतिदिन तीन घन्टाभन्दा ज्यादा कम्प्युटरमा काम गर्छ भने त्यस्ता व्यक्तिमा कम्प्यूटरभिजन सिन्ड्रोम हुने खतरा रहन्छ ।
डिप्रेशन
कम्प्यूटरमा काम गर्ने समयको सीधा सम्बन्ध डिप्रेशनसँग रहने विशेषज्ञहरूले गरेको अध्ययनबाट पत्ता लागेको छ । कम्प्यूटरमा काम गर्ने व्यक्तिलाई मनोरञ्जनका लागि समय मिल्दैन । ऊ सामाजिक, पारिवारिक जीवनसँग असन्तुष्ट रहन्छ जसको कारण डिप्रेशनमा जाने खतरा रहन्छ ।
आईटी क्षेत्रमा कार्यरत व्यक्तिलाई पनि मनोरञ्जन, परिवार तथा साथीभाइहरूसँग घुलमिल हुने वातावरणमा हुनु आवश्यक छ ।
कम्प्यूटर एडिक्शन डिसअर्डर
कम्प्यूटर इन्टरनेट, कम्प्यूटर गेमको लतको समस्या विशेषरूपले किसोर–किसोरी तथा युवायुवतीमा देखापरेको छ । यो लत रक्सी, चुरोट, गुटका, ड्रगको लतझैं खतरनाक हुन्छ । लत लागेको व्यक्ति कम्प्यूटर प्रयोग गर्ने समयमा खुसी रहन्छ । उसमा कम्प्यूटरमा ज्यादाभन्दा ज्यादा समय बिताउने इच्छा हुन्छ । लतको कारण परिवार, साथीभाइ, पढाइमा ध्यान दिइँदैन ।
इलेक्ट्रोम्याग्नेटिक रेडिएशन
मोनिटर सीपीयू, कीबोर्ड, माउस, प्रिन्टर, स्क्यानर आदिबाट विद्युत चुम्बकीय तरङ्गहरू उत्पन्न हुन्छन् । जसबाट स्वास्थ्यमा असर देखा पर्दछ ।
अन्य सम्भावित दुष्प्रभाव
लामो समयसम्म कम्प्यूटरमा काम गर्ने मानिसमा स्पोन्डिलाइटिस, कम्मर, पीठ, घाँटी दुखाइ, मानसिक व्यावहारिक समस्याहरूको सम्भावना पनि बढ्न जान्छ । यसका साथै प्रजनन क्षमतामा ह्रास हुन सक्दछ ।
विजय अधिकारी

ट्यावलोइडमा केन्द्रित इन्फोटेक

सूचनाको तीव्र विकासले नेपाल पनि अछुतो रहन सकेन । सूचनाको विकाससँगै यसका प्रयोगकर्ताहरू ह्वात्तै बढेका छन् । अन्य विकासलाई पछि पार्दै सूचना र प्रविधिको विकासमा नेपाल एक सय १० प्रतिशतले फड्को मा¥यो । २०६० ताकादेखि सुरु भएको सूचना र प्रविधिको तीव्रताले काठमाडौँले १८ औँ सूचनाप्रविधिको संस्करण ग¥यो । तर, पूर्वाञ्चलमा त्यसको विकास भएपनि संस्करणमा भने प्रभाव परेको छ । पहिलो इन्फोटेक सकिएको एक वर्ष नबित्दै सुनसरीले पनि दोस्रो क्यान इन्फोटेक आयोजना गरेको छ ।
तयारीको तीव्रतासँगै विश्व बजारमा निस्किएको प्रविधिले पनि यस इन्फोटेकलाई प्रत्यक्ष प्रभाव पार्ने इन्फोटेक सुनसरीका अध्यक्ष देव सुब्बा बताउँछन्् । उनका अनुसार दोस्रो इन्फोटेकको पहिलो आकर्षणमा ट्यावलोइड पिसी रहेको छ । जसको बजार मूल्य मात्रै छ हजार हो । ‘यो इन्फोटेकको आकर्षण ट्यावलोइड पिसी हो’ उनले भने– ‘यसको बजार मूल्य पनि कम छ र सजिलो प्रविधि पनि हो ।’ ट्यावलोइड पिसीसँगै अर्को आकर्षणमा किवोर्ड पिसी, मोनिटर पिसी, विभिन्न ब्राण्डका ल्यापटप, एन्टिभाइरस, पेन ड्राइभसँगै सोलारका ब्राण्ड र इलेक्ट्रोनिक्सका ब्राण्ड पनि इन्फोटेकमा रहनेछन् । दुईसय रुपैयाँदेखि माथिका प्रविधिका सामग्रीले यस इन्फोटेकलाई सजाउने लक्ष्य लिएको छ–आयोजक क्यान इन्फोटेक सुनसरीले । इन्फोटेकमा डेल, एचपी, एसरलगायत ब्राण्डका ल्यापटप पहिलो आकर्षणमा रहने बताइएको छ ।
५२ स्टलहरुमा विभिन्न ५० वटा कम्पनीले आफ्ना प्रविधिहरु प्रदर्शन गरेको स्टल व्यवस्थापन समितिका संयोजक सुमन श्रेष्ठले बताए । ‘अहिले काठमाडौं, विराटनगर, इटहरी र धरानका स्टलहरु छन् । त्यसमा पनि काठमाडौँका नौ, विराटनर नौ, इटहरी पाँच र अन्य धरानका छन्,’ उनले भने ।
कम्प्युटर मेलामात्रै नभई यस इन्फोटेमा पुराना भर्सनका कम्प्युटरहरूलाई स्टलको रूपमा राखिएको र सङ्घ संस्थाको पहलमा त्यसलाई सङ्ग्रहालयको रूपमा विकास गर्ने लक्ष्य लिएको अध्यक्ष देव सुब्बाको भनाइ छ । पुराना भर्सनका २० देखि बढी कम्प्युटरलाई प्रदर्शनीमा राखिएका छन् । यस इन्फोटेकले नयाँ ग्याजेटहरूलाई लोकप्रिय बनाउने आयोजक संस्थाको दावी छ ।
इन्फोटेकलाई चुस्त बनाउन आयोजकले छवटा उपसमितिहरू गठन गरेको छ । प्रचारप्रसार, स्टल व्यवस्थापन, सुरक्षा व्यवस्थापन, उद्घाटन तथा समापन, आइसीटी कन्फ्रेन्स, अतिथि सत्कार समितिहरूले इन्फोटेकलाई चुस्त बनाएका छन् । चैत ३ देखि सुरु भएकोे मेलामा आईटी कन्फ्रेन्समा विद्युतीय कारोबार ऐनको बारेमा बहस चलेको थियो । कन्फ्रेन्सले विद्युतीय सुशासन गुरु योजना र त्यसका भौतिक संरचनाको बारेमा जानकारी दिएको छ । मेलामा लक्ष्यअनुरूप करिब दुई करोडको काराबार भएको आयोजकले जनाएको छ । गत वर्ष भएको मेलामा करिब डेढ करोडको कारोबार भएको थियो ।