उपाधि पाउँदा मिस नेपालका आँखामा आँसु

१५ सुन्दरीहरूलाई उछिन्दै यस वर्ष मिस नेपालको ताज चितवनकी सृष्टि श्रेष्ठले जितेकी छिन् । बेलायतमा बसोबास गर्दै आएकी उनी उपाधि पाएपछि खुशीले रोइन् ।

द हिडेन ट्रेजरको आयोजनामा राजधानीमा पहिलोपटक खुला आकाशमुनि हालै भएको प्रतियोगितामा सृष्टिलाई सन् २०११ की मिस नेपाल मलिना जोशीले आफ्नो उत्तराधिकारीको ताज पहि¥याइन् । 

सृष्टिले मिस वल्र्ड प्रतियोगितामा भाग लिनेछिन् । उपाधि जितेपछि उनले आफूले नेपालीको सम्मान जितेको बताइन् । ‘मैले नेपालीको सम्मान पाएँ,’ उनले भनिन्, ‘या सम्मानको उचित ठाउँमा प्रयोग गर्नेछु ।’

सृष्टिले मिस वल्र्डमा आफ्नो प्रतिनिधित्वले ठूलो अर्थ राख्ने बताइन् । ‘म नेपाली हुँ,’ उनले भनिन्, ‘मिस वल्र्डमा त्यो नै मेरो प्रतिनिधित्व र जितका लागि आधार हुनेछ ।’ २३ वर्षीया सृष्टि बेलायतमा रहँदा पनि मोडलिङमा थिइन् ।

यसैगरी मिस नेपाल अर्थको उपाधि नगमा श्रेष्ठले जितिन् भने मिस नेपाल इन्टरनेशनलको उपाधि शुभेच्छा खड्काले जितिन् ।